Publicidad
Idiomas disponibles
Idiomas disponibles
KN
Ilitsersuut
Qalatitsiviup inissinneqarnerani ledningia toortaataata
ataaniissaaq. Ledninngia sapinngisamik naatsuutiguk, ledningi
sinneruttoq ikkuffiata ataanut imuneqarsinnaavoq. Qalatitsivik
imermik immerlugu orrajaallisinneqassaaq.
PINGAARUTILIK: Qalatitsivik imermik immertinnagu,
ikkuffianiik peerneqassaaq. Matua ammaruk toortagaq
tigummivianiittoq toorlugu. Allanneq MAX tikillugu tassa 1
liiterimut taamaallaat immerneqassaaq (assi 1, takuuk) matualu
inissillugu naqilluarlugu.
MIANERSOQQUSSUT: Qalatitsivik innaallagissamoortoq
allassimasoq MAX qaangerlugu immerneqarpat imeq qalattoq
qalatitsivimmiit serpartarsinnaavoq.
Qalattumik imertigani qalatitsivimmi pingasoriarluni qala-
titseqqaartoqartariaqarpoq. Taamaaliornikkut sananeqar-
nerani sukujuusinnaasut piivinneqarnissaat qulakkiissavat.
Qalatitsivik innaallagissamoortoq ikinneqassaaq toortagaq
tigummiviata ataaniittoq toorlugu (assi 2, takuuk). Qalatitsiviup
ikittarfia/qamittarfia nalatitsinermi aalarfiusinnaavoq/aalamik
iminnguuttoqarsinnaavoq.
Kalkiiaavik qalatitsinnginnermi ikkunneqariissaaq.
Imeq qalakkuni (100 gradit C) qalatitsivik nammineerluni qa-
missaaq ikumasorlu qamilluni. Qalatitseqqinniaraanni ikittaataa
tooqqinneqassaaq. Nammineerluni qamittarnerata asuliinnaq
kissaanissaq pinaveersaartissavaa, kuisinerup kingorna qalatit-
sivik inissiffianut iligaanni. Tamatigut innaallagissamut atanera
peertaruk, qalatitsivik atunngikkukku (assi 3, takuuk).
PINGAARUTILIK: Qalatitsivik ikitsinnagu matuata ma-
tulluaqqanissaa qulakkeertuaannaruk. Matulluaraangami
serqorpallannermik nipeqartarpoq. Matua inissivissimanngik-
kuni qalatitsivimmi qalaartitap qalaarluni nungunnissaanut
illersuutaa pitsaanerpaaffissaminiinnavianngilaq. Qalatitsivik
innaallagissamoortoq matoqartinnagu atorneqassanngilaq,
imeq qalattoq serpartalersinnaammat. Qalaarluni nungunnissa-
anut illersuutaa arlaatigut pissusissamisuunngippat, soorlu 100
gradit tikitsinnagu qamilluni imaluunniit kingornatigulluunniit
aatsaat qamilluni, taava qalatitsivik innaallagissamoortoq
kalkiiarneqartariaqalersimavoq. Immikkoortoq aserfallatsaali-
uineq takuuk.
Nungulluni qalannginnissaanut illersuutaa
Qalatitsivik innaallagissamoortoq imertaqanngitsumik
qalatitsinissamut illersuutitaqarpoq, imaapporlu qalatitsivik
kalkinissimaguni, imertaqarani ikinneqarpat nungulluniluunniit
qalaaruni qalatitsivik nammineerluni qamittarpoq. Taamaat-
toqassappat, qalatitsiviup naqqani kalkeqarnersoq misissoruk
pisariaqarpallu kalkiiaruk. Tamatuma kingorna qalatitsivik
innaallagissamoortoq imermik immeriarlugu ikillugu misiliguk.
Qalatitsivik innaallagissamoortoq qalatsigani qamittaaginnar-
pat, qalatitsiviup tunngavia ilanngullugu pisiffinnut misissugas-
sanngorlugu tunniuguk.
ASERFALLATSAALIUINEQ
Sukujunnut katersuiffianik kalkiiaaneq
Qalatitsivik innaallagissamoortoq peerneqarsinnaasumik
kalkimut katersuiffeqarpoq. taanna erngup aniaffiata eqqaani
inissisimavoq. Sukujuiaaviup kalki imermiittoq tiitorfimmut
pinaveersaartittarpaa. Sukujuiaatip kalkimik matuvitsinnagu
salittarnissaa pisariaqarpoq, tassami imeq sukujuiaavikkut in-
gerlasinnaajunnaassammat, matuatalu saneraatigut anialerluni,
uunissaq aarlerinarnerulissaaq.
38
Sorujuviaavik qalatitsivimmiit ajornanngitsumik peerneqarsin-
naavoq (assi 4, takuuk). Kalki sorujuviaavimmiittoq erruinermut
qaqorsaaserlugu imermik kuutsitsiffigalugu erruuserluguluun-
niit piiarneqarsinnaavoq (assi 5, takuuk). Qinigassarluunniit alla
atorlugu sukujuiaat eddikimik kalkiiaammilluunniit salinneqar-
sinnaavoq. Sukujuiaat imermik minguitsumik salereeraanni
ikkuffissaanut ikkunneqassaaq.
Qalatitsiviup salittarnissaa
Qalatitsiviup silataa erruummik kissartumik erruinermut qaqor-
saasikkamik salinneqarsinnaavoq. Kingornatigut erruummik
panertumik allarummilluunniit panertissavat. Eqqiaanermut
atortut kigartuisinnaasut atunngisaannakkit.
Qalatitsiviup kalkiiarnissaa
Qalatitsivik kalkiiarneqakulassaaq naqqanilu kalkimik
unerarfeqalissanngilaq.
Nalinginnaasumik aserfallatsaaliuineq
Qalatitsivik innaallagissamoortoq kalkinissimanersoq sapaatip
akunnikkaartumik misissortaruk. Imermut atugassaannarmut
qalatitsiviunissaa siunnersuutigaarput. Taamaaliornikkut
qalatitsivimmi imermik atugassaanngitsumik, kalkininnissaanut
aarlerinarnerutitsisumik uninnaannartoqarnissaa pinngitsoor-
tinneqassaaq. Aammalumi innaallagissamik atuinikinnerussaasi.
Pisariaqartitaq atorlugu kalkiiaagit. Uku periutsit ataaniittut
atorlugit.
· Periuseq siulleq: Kalkit annertunngitsut peerniarlugit eddike
qalipaateqanngitsoq qalatitsiviup naqqa tamakkerlugu
sapaatip akunneranut ataasiarlutit immertaruk. Qalatitsivik
nalunaaquttap akunneri marluk uninngatiguk, kingornati-
gut imaaruk salilluarlugulu. Siunnersuut: kalkimik piiaaneq
ajornannginnerutissinnaavat imerpalasoq 50–60 gradip
missaanut kissallugu.
· Periutsip aappaa: Kalki piigassaq annertuppat eddike
qalipaateqanngitsoq 0,25 liiteri kiisalu imeq 0,75 liiteri
atorneqassaaq. Qalatitsivik ikiguk qalatillugulu. Qalareerpat
15 minnutsit missaanni nillarseruk, marloriarlugu qalatitse-
qqillugu.
Salereerukku, imigassamik qalatitsitinnak pingasoriarlutit qala-
titseqqitariaqarputit. Tamatuma kalkit uninngasut peernissaat
qulakkiissavaa.
Eqqiaanerata kingorna suli kalkeqassapat, qalatitsivik akulikin-
nerusumik kalkiiartassavat.
PISARIAQARPOQ: Kalkiiaatit eddikilu qalatitsivimmik kalkiia-
aneranut taamaallaat atussavatit. Atortut ipittut eqqiaaninni
qalatitsiviulluunniit naqqata kalkiiarneranut atunngisaannak-
kit. Qalatitsivik akuttunngitsumik kalkiiarneqartanngikkuni
kissaasua qalatitsivittaalu aserorsinnaapput. Taama aseruineq
qularnaveeqqusiinermut ilaanngilaq.
ISUMANNAASSUSEQ
Atulertinnagu atornissaanut ilitsersuut atuarluaruk kingusinne-
rusukkullu atoqqissinnaasunngorlugu toqqorlugu.
Qalatitsivik innaallagissamoortoq innaallagissamut 220–240
V-imut atassuseruk kiisalu qalatitsivik imermik qalatsitinis-
samut taamaallaat atoruk.
Qalatitsivik innaallagissamoortoq angerlarsimaffimmi taamaal-
laat atugassaavoq, igaffinni tunisassiorfinni atorneqassanani.
Qalatitsivik siunertaanut allatut atorneqarpat ilitsersuuta-
aluunniit malinnagit atorneqarpat, tassani atuisoq kisimi
tamakkiisumik akisussaavoq kinguneqartitsisoqassappat.
Tamatuma kingunerisaanik qalatitsivik arlaatigut aserussappat
inummilluunniit ajutoortoqassappat maalaaruteqarnissamut
pisinnaaffik atorunnaassaaq.
Qalatitsiviup atornera tamatigut nakkutigiuk.
Qalatitsivik imertaqanngitsoq ikissanngilat.
Qalatitsivik tunngavianiik peeriarlugu imermik immerneqas-
saaq.
MAX-imik allassimasoq qaangerlugu imminngisaannaruk.
MIANERSOQQUSSUT: Qalatitsivik immerneqarpallaaruni imeq
qalattoq serpalissinnaavoq.
MIANERSOQQUT: Uuararnissamut aarlerinarnera. Aalarnerani
erngullu qalattup kissaanik ajoqusertoqarsinnaavoq. Qalatit-
sivik atortillugu matua ammanngisaannaruk, kiisalu imermik
kissartumik kuisitillutit mianersortarit.
Qalatitsiviup innaallagissamoortup tunngaviattavia kisiat
atorneqassaaq.
Qalatitsivik innaallagissamoortoq innaallagissamut atajunnaar-
seqqaarlugu eqqiarneqassaaq aserfallatsaaliorneqassallunilu.
Uunissaq, ajoqusernissaq qupinnguallannissarlu pinaveersaar-
tinniarlugit qalatitsiviup innaallagissamoortup atortui (kalkimut
sukujuiaavia taamaallaat peerneqarsinnaasoq ilanngunnagu)
imermut imerpalasumulluunniit ikineqassanngillat.
Qalatitsivik innaallagissamoortoq silami atorneqassanngilaq.
Qalatitsivik innaallagissamoortoq aalajaatsumut manissumut
soorlu igaffimmi nerrivimmut inissinneqassaaq.
Qalatitsivik innaallagissamoortoq kissarsuummut, innermut
assigisaanullu ilinngisaannaruk.
Qalatitsivik innaallagissamoortoq tigummiviatigut tigumiaruk,
qaava kissartoq attunngisaannaruk.
Innaallagissamut attavia nerriviup killinganiik nivingassanngi-
laq kissartumulluunniit ilineqassanani.
Qalatitsivik innaallagissamoortoq ledningialu illersorneqarsin-
naasumut kissarsuummut allanullu kissartunut qaninngitsumut
inissinneqassapput.
PINGAARTUUVOQ: Qalatitsivik innaallagissamoortoq meeqqa-
nit arfineq-pingasuleereersimasunit atorneqarsinnaavoq
aammalu inuit timikkut, malussarissutsikkut tarnimikkullu
piginnaasakitsut ilisimasaqarpianngitsullu atortorissaarutip
isumannaatsumik atornissaanut ilitsersorneqareernermi
navianarsinnaasunilli ilisimatinneqareernermi kingorna ator-
sinnaavaat. Ilinniartitsineq pissaaq inummik sillimanissamut
akisussaasumik. Meeqqat atortorissaarummik pinnguann-
ginnissaat nakkutigineqassaaq. Meeqqat ulorianartunut
naliliisarnerat aammalu ulorianartunut takunnissinnaanerat
pitsaajuaannanngilaq.
Meeqqat arfineq pingasunit qummut ukiullit qalatitsivik
eqqiarsinnaavaat aserfallataarillugulu kiisalu inersimasumit
nakkutigineqassallutik.
Qalatitsivik eqqiartinnagu aserfallattaarinissarluunniit
aallartitsinnagu innaallagissamut atanera amujuk qalatitsivillu
innaallagissamoortoq nillarseruk.
Qalatitsiviup innaallagissamoortup atortuisa ilaat aserorsimap-
pata atorneqassanngilaq.
Ulorianartut pinaversaarniarlugit qalatitsivik innaallagissamo-
ortoq atortinnagu tigummivia, ledninngia innaallagissamullu
ikkuffia ajoqusersimanersut tamatigut misissortakkit.
Atortorissaarut ajoqusersimappat inatsit atuuttoq naapertor-
lugu qularnaveeqquserneqarnerata piffissalerneqarnerata ilua-
ni atortorissaarut atortup suliarineqarfiata taakkuningaluunniit
assingusunik suliaqartartut iluarsartuutissavaa taarserlugu-
luunniit. Atortorissaarutip suliarineqarfianit atortut atorne-
qanngippata ikuallalertoqarsinnaavoq, inummik ajoqusertoqar-
sinnaavoq ulorianartumilluunniit allamik pisoqarsinnaalluni.
MAALAARFISSAQ
Inatsit naapertorlugu maalaaruteqarnissamut pisinnaatitaaf-
feqarputit. Pisiarineranut uppernarsaat, maskinamik naqitaq,
pisiarineranik ullulerneqarsimasoq maalaaruteqarnermi
ilanngunneqassaaq. Maalaaruteqarnermi qalatitsivik pisiarine-
qarfianut utertinneqassaaq.
Qalatitsiviup iginnissaa
Elektronikkit innaallagiarsortullu atortui atorneqaqqis-
sinnaasunngorlugit iginneqarnissaat inatsisitigut
piumasaqaataavoq. Atortorissaarutit innaallagissamo-
ortut nalunaaqutserneqarsimappata atoqqitassanngor-
titsivimmut iginneqassapput.
TENIKKIKKUT PAASISSUTISSAT
FOODIE qalatitsivik innaallagissamoortoq
Qalatitsivik ledninngeqanngitsoq
Qulakkiigaq imertaqarani qalatitsiniaraanni atortulimmik
220–240 V
50/60 HZ
Nukii: 1500 W
Imaqarsinnaavoq: 1 liiterimik
Pisinnaatitaavoq allannguisinnaanermik aammalu pitsanngor-
saasinnaanermut.
RIG-TIG
Christianshavns Kanal 4
1406 København K
Danmark
KN
39
Publicidad
