Íslenska - IKEA KARLBY Manual De Instrucciones

ÍSLENSKA 14
KARLBY borðplötur eru spónaplötur með
3,5 mm ysta lagi úr gegnheilum við.
Opnið ekki pakkninguna fyrr en komið
er að uppsetningu borðplötunnar. Þar til
borðplatan er sett upp ætti að geyma hana
við stofuhita innandyra og við eðlilegt
rakastig. Geymið borðplötuna ekki upp við
heitan ofn eða á köldu gólfi.
Borðplatan er meðhöndluð í verksmiðjunni
með vaxolíu og ekki þarf að meðhöndla hana
frekar fyrr en hún fer að láta á sjá. Þegar
yfirborðið er farið að láta á sjá eða orðið
þurrt er kominn tími til að meðhöndla það
með BEHANDLA viðarolíu. Byrjið á því að
þrífa yfirborðið og pússa það létt með fínum
sandpappír eða grófum svampi. Strjúkið í
sömu átt og æðarnar í viðnum. Strjúkið allt
ryk í burtu með þurrum klút. Notið klút eða
pensil til að bera BEHANDLA viðarolíuna
á, þunnt og jafnt. Látið síast í viðinn í um
það bil 15 mínútur. Þurrkið umframolíuna
af með þurrum, mjúkum klút. Eftir fyrstu
meðhöndlun ætti að pússa borðplötuna létt
með fínum sandpappír. Leyfið yfirborðinu
að þorna og berið aftur á að nokkrum
dögum liðnum. Þegar yfirborðið hefur
þornað eftir aðra meðhöndlun ætti að pússa
yfirborðið með aðeins grófari sandpappír til
að ná því sléttu. Til að tryggja að yfirborð
borðplötunnar endist um árabil ætti að
meðhöndla það með BEHANDLA viðarolíu
einu sinni á ári. Meðhöndlið viðkvæmari
svæði oftar, eins og í kringum vask og
helluborð.