Altrex Eifel Manual De Instrucciones página 45

Gátlisti og athugun fyrir notkun
Atriði sem á að skoða
Eftirfarandi atriði skal taka með í reikninginn við reglulega skoðun:
- athugið að stangir/fætur (stoðir) séu ekki bognar, beygðar, snúnar, beyglaðar, sprungnar, tærðar eða rotnar;
- athugið að stangir/fætur í kringum festipunktana fyrir aðra hluta séu í góðu ástandi;
- athugið að festingar (venjulega hnoðnaglar, skrúfur eða boltar) vanti ekki, séu ekki lausar, eða tærðar;
- athugið að rimar/þrep vanti ekki, séu ekki laus, óhóflega slitin, tærð eða skemmd;
- athugið að hjarirnar á milli fram- og afturhlutanna séu ekki skemmdar, lausar eða tærðar;
- athugið að læsingin haldist lárétt, afturstuðningur og hornstoðir vanti ekki, séu ekki bognar, lausar, tærðar eða skemmdar;
- athugið að króka fyrir rima vanti ekki, séu ekki skemmdir, lausir eða tærðir og séu rétt festir við rimarnar;
- athugið að stuðningsfestingar vanti ekki, séu ekki skemmdar, lausar eða tærðar og séu rétt festar á mótsvarandi stöng:
- athugið að hettur á fótum / endum stiga vanti ekki, séu ekki lausar, óhóflega slitnar, tærðar eða skemmdar;
- athugið að allur stiginn sé laus við óhreinindi (t.d. skít, leðju, málningu, olíu eða fitu);
- athugið að láskrækjur (ef til staðar) séu ekki skemmdar eða tærðar og virki rétt;
- athugið að enga hluti eða festingar vanti fyrir pallinn (ef til staðar) og hann sé ekki skemmdur eða tærður.
Ef stiginn stenst ekki að fullu einhverja af ofangreindum athugunum þá ættuð þið EKKI að nota hann.
Viðbótaröryggisleiðbeiningar fyrir notkun tröppu/stiga
- Verið aldrei í víðum fötum eða með skartgripi á ykkur. Þau/þeir gætu fest í þegar farið er upp eða niður tröppuna eða
stigann sem gæti leitt til falls.
- Athugið oft hvort fæturnir séu slitnir. Slitnir fætur geta skemmt yfirborðið sem staðið er á eða geta valdið því að trappan
eða stiginn renni til.
- Til öryggis, notaðu aðeins þá aukahluti eða hjálpartæki sem mælt hefur verið með af Altrex.
- Skiljið ekki eftir nein verkfæri eða búnað neðst í tröppunni eða stiganum sem þið gætuð hrasað um.
- Ef trappan eða stiginn skyldu vera þyngri en 25 kg þá ættu tvær manneskjur að lyfta þeim.
Viðgerð og viðhald
Viðgerðir og viðhald skal vera framkvæmt reglulega af hæfum aðila og í samræmi við leiðbeiningar Altrex.
ATHUGIÐ Hæfur aðili er sá sem hefur hæfni til að framkvæma viðgerðir eða viðhald, t.d. eftir þjálfun hjá Altrex.
- Fyrir viðgerð og útskiptingu hluta, t.d. fóta hafið þá samband við Altrex eða dreifingaraðila ef nauðsynlegt er.
Varahluti sem útvegaðir eru af Altrex verður að setja saman við rétta Altrex vöru og á sama hátt og hluturinn sem verið er að
skipta út. Samsetning (festing) og/eða viðgerð er framkvæmd á áhættu og kostnað viðskiptavinarins. Altrex er ekki ábyrgt
fyrir skemmdum vegna rangrar samsetningar og/eða viðgerða. Gegn greiðslu þá er hægt að kalla til Altrex vegna viðgerða á
vöru þinni og/eða samsetningu umræddra hluta.
Geymsla
- Geyma skal stiga samkvæmt leiðbeiningum Altrex.
- Stiga sem gerðir eru úr eða nota hitadeigt plast, hitaherðandi plast eða styrkt plastefni skal geyma þar sem þeir eru ekki í
beinu sólarljósi.
- Stiga sem gerðir eru úr tré skal geyma á þurrum stað og má ekki mála með ógegnsærri og gufuþéttri málningu.
Taka skal tillit til eftirfarandi mikilvægra atriða við geymslu stiga (ekki í notkun):
- Er stiginn geymdur fjarri svæðum þar sem ástand hans gæt versnað hraðar (t.d. í raka, óhóflegum hita eða þar sem hann
er berskjaldaður fyrir náttúruöflunum)?
- Er stiginn geymdur í stöðu þannig að hann geti verið beinn (t.d. hengdur upp á stangirnar eða lagður á flatt yfirborð án
drasls)?
- Er stiginn geymdur þar sem hann getur ekki orðið fyrir skemmdum af völdum ökutækja, þungra hluta eða aðskotaefna?
- Er stiginn geymdur þar sem hann veldur ekki hættu á hrösun eða er fyrirstaða?
- Er stiginn í öruggri geymslu þar sem ekki er hægt að nota hann í glæpsamlegum tilgangi?
- Ef stiginn er í varanlegri stöðu (t.d. á vinnupöllum) er þá öruggt að ekki sé klifrað í honum í leyfisleysi (t.d. af börnum)?
Ábyrgðarskilmálar
Fyrir ábyrgðarskilmála athugið www.altrex.com/warranty.
45
www.altrex.com
IS