Dyson AB09 Guia De Instalacion página 51

IS
1. Staðsetning.
VIÐVÖRUN
Sýnið aðgát þegar íhlutirnir eru teknir úr umbúðunum. Hvassar brúnir
eða horn geta valdið skurðum eða öðrum skaða.
ATHUGIÐ: Vaskarnir eiga ekki að vera með töppum.
ATHUGIÐ: Staðsetjið ekki skynjara kranans sem vísar niður yfir fleti
sem endurvarpar ljósi, t.d. niðurfallinu.
• Staðsetjið kranann yfir miðjum vaskinum eins og sýnt er á
skýringarmynd. Merkið staðsetninguna.
• Skerið út gat af réttri stærð, 35 mm, í yfirborðið sem unnið er við.
• Tryggið að nauðsynlegt aðgengi að rafmagni og blönduðu
innrennslisvatni sé fyrir hendi þegar kemur að tengingu tækisins síðar.
2. Setjið upp kranann.
• Allir yfirborðsfletir verða að vera þurrir áður en uppsetning fer fram.
• Rennið mjórra gúmmíþéttinu upp á kranahálsinn.
• Rennið kranahálsinum, ásamt vatnsleiðslunni og tengikaplinum sem
fest eru við kranann, inn um gatið á vinnufletinum. Gangið úr skugga
um að mjórra gúmmíþéttið sitji slétt og flatt undir krananum.
• Tryggið að kraninn sé í réttri stöðu fyrir ofan vaskinn.
• Rennið breiðara gúmmíþéttinu upp á kranahálsinn.
• Rennið málmskinnunni upp á kranahálsinn.
• Skrúfið messingstoppróna á kranahálsinn en gætið þess að skilja
eftir bil sem er minna en eða jafngildir 5 mm á milli málmskinnunnar
og messingstoppróarinnar.
• Herðið skrúfurnar með messingstopprónni að málmskinnunni eins
og unnt er með höndunum.
3. Setjið upp slönguna.
• Rennið slöngunni upp yfir vatnsleiðsluna og tengikapalinn.
• Þræðið vatnsleiðsluna inn í slönguna og út um til þess gert gat á
slöngunni, eins og sýnt er. Dragið leiðsluna varlega í gegn með töng,
þar til komið er að heilli, hvítri línu. Tryggið að kragi vatnsslöngunnar
falli þétt inn í slöngugatið, til að tryggja loftþéttingu.
• Þræðið tengikapalinn út í gegnum til þess gert gat eins og sýnt er.
Notið ekki tangir, það gæti valdið skemmdum á raftengjunum. Tryggið
að kapalkraginn falli þétt inn í slönguna, til að tryggja loftþéttingu.
• Skrúfið efri kragann á slöngunni upp á kranahálsinn og herðið
með höndunum.
4. Veljið staðsetningu fyrir undirstöðuplötuna.
• Fjarlægið rafkerfishlífina og vatnsrörshlífina með T15 Torx skrúfjárni
(sjá skref 9, 12)
• Undirstöðuplötuna má staðsetja á þrjá mismunandi vegu: lóðrétt
eða 90° lárétt til vinstri eða hægri. Fjarlægð frá gólfi ætti að vera
minnst 100 mm.
• Staðsetjið undirstöðuplötuna þannig að slangan nái til hennar.
• Merkið staðsetningu undirstöðuplötunnar á vegginn með blýanti. Notið
undirstöðuplötuna til að merkja staðsetningar fyrir (4) festingarnar.
VARÚÐ: Ekki má nota undirstöðuplötuna sem viðmið þegar borað er.
Gætið þess að engar veituleiðslur (fyrir gas, vatn eða loft), rafleiðslur,
vírar eða aðrar leiðslur séu staðsettar beint fyrir aftan uppsetningar-/
borunarstaðinn.
• Borið göt í vegginn.
Innsetningarstaður kapals
Kapalinn má draga inn annað hvort frá undirstöðunni eða úr
veggnum, beint inn í tækið að aftan gegnum aftari innsetningarstað
kapalsins. Velja þarf hlið áður en hafist er handa.
Ef leiða á kapalinn neðst í gegnum undirstöðuplötuna skal nota
tangir til að draga varlega út fyrirfram merkta tengitöflu neðst á
undirstöðuplötunni. Pússið kantana á opinu fyrir lekaliðann þar til þeir
eru sléttir.
5. Festið undirstöðuplötuna á vegginn
ATHUGIÐ: Ef innlagnarstaður kapalsins á að vera beint inn í
undirstöðuplötuna úr veggnum skal draga rafmagnskapalinn út áður
en undirstöðuplatan er fest við vegginn.
• Festið undirstöðuplötuna við vegginn með viðeigandi festingum.
Notið ekki úrsnaraðar skrúfur.
• Notið ekki þéttiefni þegar tækið er fest við vegginn.
6. Tengið vatnsleiðsluna.
A. Fjarlægið skrúfurnar tvær sem festa segulliðann.
B. Losið segulliðann og takið hann af. Losið rafleiðslurnar.
C. Klippið vatnsslönguna í rétta stærð við hvítu punktalínuna.
D. Rennið hosuklemmunni upp á vatnslögnina.
E. Festið vatnslögnina varlega við segulliðann.
F. Festið segulliðann og rafleiðslurnar á sinn stað.
G. Festið segulliðann með skrúfunum tveimur.
H. Herðið hosuklemmuna.
7. Tengið tengisnúruna og slönguna.
A. Stingið tengisnúrunni í slöngunni í samband við tengilinn í
undirstöðuplötunni, eins og sýnt er.
Athugið hvernig tengillinn snýr – fliparnir tveir verða að vera í
beinni línu.
B. Gætið þess að snúran liggi rétt í stokknum í undirstöðuplötunni og
athugið hvort kraginn sé enn tryggilega fastur á slöngunni.
C. Festið slönguna inn í undirstöðuplötuna með klemmu.
8. Tengið aðalrafmagnsvírinn.
VIÐVÖRUN: Hætta á raflosti!
A. Notið samþykkta stokka og rafmagnstengingar, sveigjanlegar eða
stífar, til að tengja tækið við rafveitu.
Tryggið að sveigjanlegu eða stífu stokkarnir og vírarnir séu
nægilega langir til að hægt sé að tengja þá við undirstöðuplötuna
og tengjablokkina. Festið bæði spennuhafaleiðslur og núllleiðslur
á viðeigandi staði í tengjablokkinni. Gangið úr skugga um að allar
tengingar séu réttar áður en lengra er haldið.
43
B. Herðið þéttihring kapalsins.
9. Komið rafkerfishlífinni fyrir.
• Festið rafkerfishlífina við undirstöðuplötuna, eins og sýnt er (með
festingunum sex sem fylgja). Tryggið að engir vírar festist á bak við
hlífina þegar hún er sett á.
• Athugið hvort kraginn sé enn tryggilega fastur á slöngunni.
10. Tengið við blönduðu innrennslisvatnsrásina.
• Tengið einangruðu, blönduðu innrennslisvatnsrásina við tengilinn
í undirstöðuplötunni.
• Skrúfið frá vatninu.
11. Leitið eftir leka.
• Kveikið á tækinu.
• KVÖRÐUNARLOTA: Þegar búið er að setja upp kranann fyrir
ofan vaskinn þurfa nemarnir tíma til að kvarða sig við vaskinn og
nánasta umhverfi. Kraninn fer í gegnum 30 sekúndna kvörðunarlotu
þegar kveikt er á honum í fyrsta skipti þar sem hlutirnir sem eru
nálægt nemunum eru greindir. Mjög mikilvægt er að engir hlutir eða
óhreinindi séu eftir í vaskinum á meðan kvörðunarlotan fer fram og að
loft eða vatn sé ekki virkjað. Að 30 sekúndum liðnum má hefðbundin
notkun hefjast. Ef vandmál koma upp með nemana skal slökkva á
vélinni og kveikja á henni aftur til að endurtaka kvörðunarlotuna.
• Setjið hönd undir skynjarann á krananum til að virkja vatnsflæðið.
• Kannið hvort vart verður við leka við aðalinntak vatns og þar sem
vatnsleiðslan er tengd við kranann.
12. Komið vatnsrörshlífinni fyrir.
Festið vatnsrörshlífina við undirstöðuplötuna, eins og sýnt er (með
skrúfunum tveimur sem fylgja).
13. Festið mótorhylkið.
• Krækið mótorhylkinu upp á rafkerfishlífina að ofanverðu. Hnykkið
hylkinu niður á við svo það smelli á réttan stað, eins og sýnt er. Þrýstið
hylkinu tryggilega á sinn stað.
• Prófið hvort tækið starfar rétt.
• Til að fjarlægja mótorhylkið skal ýta á sleppirofann neðst á hylkinu
og lyfta því upp.
Mótorhylkið fest á undirstöðuplötuna (valfrjálst).
A. Til að fjarlægja síuna skal losa flipann á síunni varlega með
skrúfjárni, eins og sýnt er.
B. Festið mótorhylkið við undirstöðuplötuna með
meðfylgjandi öryggisskrúfu.
C. Tengið síuna.
Sjálfvirk skolun
Tækið er búið sjálfvirku skolunarkerfi sem er virkt í 60 sekúndur,
sólarhring eftir síðustu notkun. Kerfið hjálpar til við að draga úr
stöðnun vatns og útbreiðslu baktería í vörunni. Tryggið að tækið sé
ávallt sett upp yfir vöskum sem eru í lagi og með tengdu frárennsli.