Íslenska - IKEA BEJUBLAD Manual De Instrucciones

ÍSLENSKA
Öryggisupplýsingar
Lesið þessa handbók vandlega áður en
tækið er sett upp og tekið í notkun til að
tryggja öryggi notenda og ganga úr skugga
um að tækið sé notað á réttan hátt.
Geymið þessar leiðbeiningar ásamt tækinu
og látið þær fylgja með ef varan er seld
eða flutt til þriðja aðila. Afar mikilvægt er
að notendur kynni sér allar notkunar- og
öryggiseiginleika tækisins.
Þessi helluborð eru með spankerfi
sem uppfylla kröfur staðla um
rafsegulsviðssamhæfi (EMC) og tilskipunar
um rafsegulsvið (EMF) og þau ættu ekki að
trufla önnur rafeindatæki. Einstaklingar með
gangráð og þeir sem nota önnur ígrædd
rafeindatæki verða að hafa samráð við
lækni eða framleiðanda ígrædda tækisins til
að meta hvort það þoli truflun nógu vel.
Þjálfaður tæknimaður verður að sjá um
allar rafmagnstengingar. Lesið kaflann
um RAFMAGNSTENGINGU áður en
rafmagnið er tengt.
Fyrir tæki með rafmagnssnúru verður að
koma tenglum eða vírhlutum sem liggja milli
snúrufestingar og tengla fyrir með þeim hætti
að hægt sé að draga rafmagnaða víra út á
undan jarðtengingarvír ef snúran skyldi losna
úr festingunni.
• Framleiðandi ber ekki ábyrgð á skemmdum
af völdum rangrar eða óviðeigandi
uppsetningar.
• Gangið úr skugga um að orkuveitukerfi
sé í samræmi við það sem tekið er fram á
merkiplötunni inni í vörunni.
• Koma verður útsláttarbúnaðinum fyrir
í áfasta kerfinu samkvæmt gildandi
reglugerðum um raflagnir.
• Ef um er að ræða tæki í flokki I skal tryggja
að aflgjafi heimilisins sé jarðtengdur á
réttan hátt.
• Tengið vöruna við rafmagn með alskauta
rofa.
• Ef rafmagnssnúran er skemmd verður
framleiðandi, viðurkenndur þjónustuaðili
eða sérhæfður tæknimaður að skipta um
hana, til að fyllsta öryggis sé gætt.
VIÐVÖRUN: Fjarlægið hlífðarfilmurnar
áður en tækið er sett upp.
• Notið aðeins skrúfur og aðrar festingar sem
fylgja tækinu.
VIÐVÖRUN: Ef skrúfur eða festingar eru
ekki settar upp eins og lýst er í þessum
leiðbeiningum getur það valdið hættu á
raflosti.
• Börn mega ekki sinna þrifum og
reglubundnu viðhaldi nema þau séu undir
eftirliti fullorðinna.
• Fylgjast þarf með börnum til að tryggja að
þau leiki sér ekki að tækinu.
• Einstaklingar með takmarkaða líkamlega,
skynræna eða andlega getu (þ.m.t.
börn) eða einstaklingar sem hafa ekki
fullnægjandi reynslu og þjálfun mega ekki
nota þetta tæki nema þeir séu undir nánu
eftirliti og hafi hlotið kennslu í öruggri
notkun tækisins af þeim sem bera ábyrgð á
öryggi þeirra.
• Börn eldri en 8 ára og einstaklingar með
takmarkaða líkamlega, skynræna eða
andlega getu eða með ófullnægjandi
reynslu og þekkingu mega nota þetta tæki,
að því tilskildu að haft sé náið eftirlit með
þeim og þeim hafi verið gefin fyrirmæli
um örugga notkun tækisins og þau skilji
hætturnar sem það felur í sér. Ekki má leyfa
börnum að leika sér með tækið.
VIÐVÖRUN: Tækið og óvarðir hlutar
þess verða mjög heit við notkun.
Gætið þess að snerta alls ekki
hitagjafana.
Haldið börnum yngri en 8 ára fjarri tækinu
nema þau séu undir stöðugu eftirliti.
VIÐVÖRUN: Ef yfirborðið ber minnstu merki
53