Rétt Notkun; Mikilvæg Öryggisatriði - geberit ACO 102 Instrucciones De Servicio

Þýðing notendahandbókar úr frummáli
Öryggi
Markhópur
Þetta verkfæri mega aðeins fagmenn samkvæmt EN IEC 82079-1:2012 nota.
Rétt notkun
Aðeins má nota Geberit ACO 102 þrýstitækið á rör og þrýstitengi úr Geberit Mepla og
Geberit Mapress þrýstikerfum.
Með þrýstitækinu ACO 102 má eingöngu nota Geberit þrýstikjafta með
samhæfismerkingu. Yfirlit yfir samhæfi og hámarks þrýstisvið er að finna í vörulistum
viðkomandi lands.
Geberit þrýstiverkfærið er ekki ætlað til stöðugrar notkunar. Eftir samfellda vinnu í 30 mínútur
skal gera að minnsta kosti 15 mínútna hlé þannig að þrýstiverkfærið nái að kólna.
Hvers kyns önnur notkun eða notkun umfram það sem tækið er gert fyrir telst vera röng.
Geberit tekur enga ábyrgð á því tjóni sem af kann að hljótast.
Mikilvæg öryggisatriði
AÐVÖRUN: hætta er á slysum vegna brota sem skjótast burt ef þrýstihlutirnir eru ekki
notaðir rétt svo og ef slitnir eða skaddaðir þrýstihlutir eru notaðir
• Þegar þrýstihlutir (þrýstikjaftar, þrýstikragar og millikjaftar) eru notaðir verða þeir að vera í
fullkomnu lagi
• Fyrir og eftir hverja notkun þrýstihluta skal skoða þá með tilliti til ágalla, einkum
smásprungna í pressunarútlínum og flansi, og annarra skemmda. Ef smásprungur koma í
ljós skal tafarlaust taka þrýstihlutinn úr notkun
• Ef þrýstihlutir eru notaðir á rangan hátt eða á annan hátt en fyrirhugaður er skal ekki halda
áfram að nota þrýstihlutina heldur láta skoða þá á viðurkenndu verkstæði
• Mikilvægt er að farið sé að reglum um viðhald og að viðhald á þrýstitæki og þrýstihlutum
fari fram á tilskildum tímum
• Notið viðeigandi hlífðarbúnað (hlífðargleraugu o.s.frv.)
• Viðgerðir mega aðeins fara fram hjá Geberit eða á viðurkenndum verkstæðum
• Farið eftir gildandi öryggisreglum í hverju landi
• Lesa skal allar öryggisleiðbeiningar og ábendingar fyrir þrýstitækið og þrýstihlutina
vandlega áður en búnaðurinn er tekinn í notkun. Hætta er á slysum vegna raflosts og bruna
eða alvarlegum slysum ef ekki er farið eftir öryggisleiðbeiningunum og ábendingunum.
Geymið allar öryggisleiðbeiningar og ábendingar til síðari nota
B1024-003 © 06-2015
965.804.00.0 (02)
IS
145