Bosch BDU490P Instrucciones De Servicio Originales página 71

Þegar skipt er um dekk þarf að ganga þannig frá snúru
skynjarans að hún sé ekki of strekkt og að ekki sé brotið upp
á hana.
Aðeins er hægt að taka CenterLock-segulinn (5) af og setja
hann aftur á að hámarki fimm sinnum.
Notkun
Búnaðurinn tekinn í notkun
Skilyrði
Ekki er hægt að kveikja á rafhjólinu nema að eftirfarandi
skilyrði séu uppfyllt:
– Rafhlaða með nægilegri hleðslu er í rafhjólinu (sjá
notendahandbókina fyrir rafhlöðu rafhjólsins).
– Hjólatölvan hefur verið sett rétt í festinguna (sjá
notendahandbók hjólatölvunnar).
– Hraðaskynjarinn er rétt tengdur (sjá „Hraðaskynjari
athugaður (sjá mynd A)", Bls. Íslenska – 2).
Kveikt og slökkt á rafhjólinu
Hægt er að kveikja á rafhjólinu með eftirfarandi hætti:
– Ef kveikt er á hjólatölvunni þegar hún er sett í festinguna
er sjálfkrafa kveikt á rafhjólinu.
– Þegar búið er að setja hjólatölvuna og rafhlöðuna á
rafhjólið skal ýta stuttlega á hnappinn til að kveikja/
slökkva á hjólatölvunni.
– Þegar búið er að setja hjólatölvuna á rafhjólið skal ýta á
hnappinn til að kveikja/slökkva á rafhlöðu rafhjólsins (um
getur verið að ræða sérstakar útfærslur framleiðanda
reiðhjólsins þar sem ekki er hægt að komast að
hnappinum til að kveikja/slökkva á rafhlöðunni; sjá
notendahandbókina fyrir rafhlöðu rafhjólsins).
Kveikt er á drifinu um leið og stigið er á fótstigið (nema þegar
teymingarhjálp er notuð, ). Afl drifsins fer eftir því hvaða
stuðningsþrep er stillt á með hjólatölvunni.
Við venjulega notkun er slökkt á stuðningi frá drifinu um leið
og hætt er að stíga á fótstigið eða um leið og hraðinn nær
25/45 km/h. Kveikt er sjálfkrafa aftur á drifinu um leið og
stigið er á fótstigið og hraðinn fer niður fyrir 25/45 km/h.
Hægt er að slökkva á rafhjólinu með eftirfarandi hætti:
– Ýttu á hnappinn til að kveikja/slökkva á hjólatölvunni.
– Slökkva skal á rafhlöðu rafhjólsins með hnappinum til að
kveikja/slökkva á rafhlöðunni (um getur verið að ræða
sérstakar útfærslur framleiðanda reiðhjólsins þar sem
ekki er hægt að komast að hnappinum til að kveikja/
slökkva á rafhlöðunni; sjá notendahandbókina frá
framleiðanda reiðhjólsins).
– Taktu hjólatölvuna úr festingunni.
Ef rafhjólið er ekki hreyft úr stað í u.þ.b. 10 mínútur og ekki
er ýtt á neinn hnapp á hjólatölvunni slekkur rafhjólið
sjálfkrafa á sér til að spara orku.
Bosch eBike Systems
eShift (aukabúnaður)
eShift felur í sér tengingu rafrænnar gírskiptingar við
rafhjólið. Rafmagnstengingu milli eShift-búnaðarins og
drifeiningarinnar er komið á hjá framleiðanda. Fjallað er um
notkun rafrænu gírskiptingarinnar í sérstakri
notendahandbók.
Stuðningsþrep stillt
Á hjólatölvunni er hægt að stilla hversu mikinn stuðning drifið
á að veita. Hægt er að breyta stuðningsþrepinu hvenær sem
er, líka á ferð.
Athugaðu: Á sumum útfærslum getur verið að
stuðningsþrepið sé forstillt og ekki sé hægt að breyta því.
Einnig getur verið að færri stuðningsþrep séu í boði en hér
kemur fram.
Að hámarki geta eftirfarandi stuðningsþrep verið í boði:
– OFF: Slökkt er á stuðningi drifsins, hægt er að hjóla á
rafhjólinu eins og á venjulegu reiðhjóli með því að stíga á
fótstigin. Ekki er hægt að virkja teymingarhjálpina í þessu
stuðningsþrepi.
– ECO: Virkur stuðningur með mestri skilvirkni, fyrir
hámarksdrægi
– TOUR/TOUR+:
TOUR: Jafn stuðningur, fyrir ferðir með miklu drægi
TOUR+: Breytilegur stuðningur fyrir venjulegar og
sportlegar hjólreiðar (aðeins í tengslum við eMTB)
– SPORT/eMTB:
SPORT: Kraftmikill stuðningur fyrir sportlegar hjólreiðar í
hæðóttu landslagi og innanbæjar
eMTB: Sem bestur stuðningur við allar aðstæður, tekið
sportlega af stað, betri kraftur, hámarksafköst. (eMTB er
aðeins í boði með drifeiningunum BDU250P CX,
BDU365, BDU450 CX og BDU480 CX. Það getur þurft að
uppfæra hugbúnaðinn.)
– TURBO: Hámarksstuðningur upp að miklum
snúningshraða sveifar, fyrir sportlegar hjólreiðar
Drifkrafturinn kemur fram á skjá hjólatölvunnar. Það hversu
mikill drifkrafturinn getur verið fer eftir því hvaða
stuðningsþrep er valið.
Íslenska – 3
0 275 007 XD4 | (29.05.2023)