Ábyrgð - C-Pen 10 Manual De Uso

Ábyrgð
C Technologies AB ábyrgist að varan er laus við galla hvað snertir efni og notkunarhæfni við
upphaflega sölu og í eitt ár frá þeim degi. Þar sem nafnið C Technologies er nefnt í eftirfarandi
texta er ávallt átt við, nema annað sé tekið fram, C Technologies AB (skráningarnr.
556532-3929), dótturfélög þess eða smásala.
Ef gallar koma í ljós í vörunni á ábyrgðartímanum sem rekja má til annmarka í efni eða
notkunarhæfni, lýsir C Technologies því yfir að fyrirtækið muni, samkvæmt eigin ákvörðun,
annaðhvort gera við hina gölluðu vöru eða láta í stað hennar vöru sömu eða sambærilegrar
gerðar.
Hins vegar tekur C Technologies enga ábyrgð á:
1. Skemmdum sem verða í flutningum, af óhappatilviljunum, vegna skemmdarverka,
breytinga, rangrar notkunar eða óviðráðanlegra atvika (force majeure), eða af ástæðum sem
C Technologies ræður ekki við, þar á meðal en ekki einskorðað við, eldingar, vatn, eld,
óspektir, uppþot, verkföll, stríðsátök eða önnur átök af svipuðu tagi.
2. Tjóni (þar á meðal, en ekki einskorðað við, beint eða óbeint líkamstjón, tap hagnaðar,
samdráttur í framleiðslu, tap eða breytingar á unnum upplýsingum eða nokkuð annað tjón
er verður vegna tilviljunar, eða er afleitt tjón) sem varan eða notkun hennar er orsök að eða
verður vegna þess að varan er ónothæf.
3. Ófullnægjandi viðhaldi eða viðgerða sem framkvæmdar eru af einstaklingum sem ekki hafa
tilskilin réttindi.
4. Ósamræmanleika vegna tækniþróunar.
5. Göllum vegna ytri búnaðar eða óeðlilegs slits.
6. Bilunum sem verða vegna eðlilegs slits.
7. Tjón sem verður í sambandi við, eða sem afleiðing af, uppfærslu sem hefur í för með sér
viðbætur við eða breytingar á vörunni, þar sem notaður er hugbúnaður eða vélbúnaður sem
ekki er framleiddur af eða hefur verið samþykktur skriflega af C Technologies.
Ef þörf er á ábyrgðarþjónustu vegna vörunnar verður að snúa sér til söluaðilans. Varan verður
að vera í upphaflegum umbúðum eða öðrum fullnægjandi umbúðum svo að ekki verði
skemmdir í flutningi. Upphaflegur kaupandi verður að geta fært sönnur á að kaupin hafi farið
fram, og á hvaða degi, með kvittun/reikningi útgefnum á sölustað. Annars gildir ábyrgðin ekki.
Viðgerð eða skipti vörunnar innifela ekki framlengingu eða endurnýjun ábyrgðartímabilsins.
Gallaðir hlutar sem skipt er um verða eign C Technologies. Þegar ábyrgðin rennur út, lýkur
einnig ábyrgð á hlutum sem skipt hefur verið um. Ekki skal litið svo á að varan sé gölluð,
hvorki hvað varðar efni né notagildi, ef endursmíða þarf hana svo að breyta megi henni í
samræmi við tæknilegar öryggisreglugerðir landa eða héraða, nema í landinu eða héraðinu sem
notkun tækisins var miðuð við.
C Technologies áskilur sér allan rétt í sambandi við vöruna, vélbúnað hennar, hugbúnað og
vörumerki. Hver sá sem kaupir eða notar vöruna hefur engan rétt til að breyta henni, taka
hana í sundur, fara í kringum höfundarréttarákvæði eða á nokkurn annan hátt hagnýta neinn
hluta vélbúnaðar eða hugbúnaðar vörunnar nema á þann hátt og í tilgangi sem samræmist
lögum. Ábyrgðin hefur engin áhrif á réttindi kaupandans gagnvart smásala í sambandi við
kaupsamninginn, né á lagalegan rétt kaupandans í sambandi við gildandi skylduákvæði í
viðkomandi lögum. Ef ekki er um að ræða slík viðeigandi lög eða skylduákvæði, eru réttindi
kaupandans takmörkuð við það sem fram kemur í þessari ábyrgð. C Technologies telst ekki
ábyrgt vegna tjóns sem verður vegna óhappatilviljunar eða vegna afleidds tjóns í sambandi við
ábyrgð í tengslum við þessa vöru, hvort sem um er að ræða ábyrgð sem er beinlínis tekin fram
eða er undanskilin.
IS
71