Peltor ProTac II Serie Manual Del Usuario página 35

IS
ÞÚ HEFUR VALIÐ VEL!
Peltor ProTac er virk heyrnarvernd sem auðveldar þægilegt samband við umhverfið en
verndar þó notandann fyrir skaðlegum hávaða.
Peltor ProTac skilar umhverfishljóði í víðómi með aðskildum rásum gegnum tvo
hljóðnema og magnara og hátalara í hvorri eyrnaskál. Rafræn hljóðblöndun ge-
rir notanda kleift að hlusta samtímis á hljóðmerki inn, t.d. frá þráðlausu talkerfi.
Höfuðtólin hafa verið prófuð og samþykkt samkvæmt tilskipun 89/686/EEC um persónuhlífar og
tilskipun 89/336/EEC um rafsegulsviðssamhæfi og uppfylla þannig kröfurnar fyrir CE-merkingu.
Til að búnaðurinn uppfylli væntingar þínar til fulls er mikilvægt að þú farir yfir allan leiðar-
vísinn.
(A) HVAÐ ER HVAÐ?
1a. Sérlega breið höfuðspöng (MT5H7A) bólstruð með mjúku efni svo þægilegt sé að
bera tækið langan vinnudag.
1b. Hnakkaspöng (MT5H7B) til að nota þegar höfuðspöng gæti verið til trafala.
1c. Hjálmfesting (MT5H7P3*) fyrir allar algengar gerðir hjálma. Peltor öryggishjálmar,
andlitshlífar og regnskjól passa við hjálmfestinguna.
1d. Höfuðspöng sem fella má saman (MT15H7F) sem hægt er að geyma í vasa eða tösku
án þess að hún verði fyrir hnjaski.
1e. Heyrnartól (MT5H7A-07) til þess að nota með PTT-millistykki.
1f. Flex heyrnartól (MT5H7A-77) með lausum kapli sem hægt er að tengja beint.
2. Sjálfstætt fjaðrandi spangarþræðir úr ryðfríu fjaðurstáli sem tryggja jafnan þrýsting
allt í kring um eyrun. Þeir halda spennu sinni betur en venjulegar plastspangir við mjög
mismunandi hitastig.
3. Lágt tveggja punkta upphengi og einföld hæðarstilling sem ekkert skagar út úr.
4. Mjúkir og breiðir þéttihringir fylltir með frauði og vökva og rásum til þrýstingsjöfnunar
svo að þeir liggi létt, falli vel að og séu þægilegir að bera.
5. Takki til að kveikja og slökkva. Hátt tónmerki í heyrnartólunum staðfestir aðgerðina.
Lágt tónmerki staðfestir að slökkt hefur verið á þeim. Peltor ProTac slekkur á sér sjálfkrafa
ef 2 tímar líða án þess að hreyft sé við stillingum. Tvö tónmerki hvort á eftir öðru með
tíu sekúndna millibili vara við því að tækið slökkvi á sér innan mínútu ef hljóðið er ekki
hækkað eða lækkað.
6. Styrkleikastillir. Takkar til að stilla hljóðstyrk í heyrnartólunum. Þrýst er á efri takkann
til að hækka í þeim og þann neðri til að lækka. Tækið vistar stillingar eins og þær voru
þegar slökkt var á því.
7. Rafhlöðulok með læsiskrúfu gerir að fljótlegt og einfalt er að skipta um rafhlöður.
8. Hljóðnemar fyrir umhverfishljóð sem skila sér í heyrnartólin með hljóðstyrk sem jafngildir
að hámarki 8 dB A.
9. Tengi fyrir innkomandi hljóðmerki til tengingar við þráðlaust talkerfi o.þ.h. Styrkstilling
á hljóði er takmörkuð við 82 dB.
10. Talnemi (á vissum gerðum) gerir kleift að tala í báðar áttir með tengingu við þráðlaust
talkerfi eða síma. Nota þarf millistykki eða tengisnúru.
LEIÐBEININGAR UM NOTKUN
Rafhlöðuskipti
Skrúfaðu læsiskrúfuna upp og ýttu rafhlöðulokinu frá. Notaðu tvær 1,5 volta rafhlöður af
stærð AA (fylgja með tækinu). Athugaðu að + og – skaut þeirra snúi rétt (sjá mynd á lokinu
innanverðu).
VIÐVÖRUN! Ef notaðar eru hleðslurafhlöður má einungis setja rafhlöður í tækið í sam-
ræmi við handbók hleðslutækisins. Þurrrafhlöður geta sprungið séu þær settar í hleðslu.
Tvö há tónmerki tákna að rafhlöðurnar eigi eftir spennu í um tíu tíma. Bilið á milli tónmerkjanna
styttist eftir því sem spenna minnkar á rafhlöðunni. Hafðu í huga að gerð rafhlöðu getur haft
áhrif á viðvaranir. Hafðu aldrei kveikt á tækinu þegar þú skiptir um rafhlöður.
Að tengja snúru við (gildir um ProTac Flex heyrnartól)
1. Tengdu búnaðinn á tengisnúrunni með því að þrýsta honum inn í tengihulsuna á neðri brún
vinstri hlífarinnar á sveigjanlegu heyrnartólunum þar til þú finnur að tengin smella saman
og tengibúnaðurinn situr fastur.
2. Stilltu styrkinn í talstöðinni á þægilegan styrk þegar hljóðið í heyrnartólunum er stillt á
hæstu stillingu. Í handbók framleiðanda talstöðvarinnar er að finna lýsingu á því hvernig á
að stilla hljóðið á því útvarpi sem þú notar.
(B) Stilling á höfuðspöng
(B:1) Sveigðu út eyrnaskálarnar og settu þær yfir eyrun þannig að þéttihringirnir umlyki
eyrun og falli þétt að höfðinu.
(B:2) Haltu spönginni að höfðinu og stilltu hæðina á báðum eyrnaskálunum þangað til þær
sitja þétt og þægilega.
(B:3) Spöngin á að liggja beint yfir höfuðið.
(C) Stilling á hjálmfestingu
(C:1) Þrýstu hjálmfestingunum í festiraufarnar á hjálminum þangað til þær smella fastar. Þegar
3