3M PELTOR TEP-100 EU Manual Del Usuario página 48

Ljósmerki Staða
Stöðugt Rautt Hleður
Blikkandi rautt Hleður ekki
Hratt blikkandi rautt Hitastigsvilla
Stöðugt gult Hleður - lítið eftir á rafhlöðu
Blikkandi gult Hleður ekki - lítið eftir á
rafhlöðu
Stöðugt grænt Hleðslu lokið
3:2:1 Að hlaða frá rafhlöðum
Settu 3 AA rafhlöður í rafhlöðuhólfið (B:1)
opnaðu hleðsluhulstrið með því að lyfta upp
læsingunni (B:7). Opnaðu varlega lokið á
rafhlöðuhólfinu inni í hleðsluhulstrinu. Komdu
rafhlöðunum fyrir og gættu þess að (+) og
(-) pólar snúi rétt miðað við teikninguna á
hleðsluhulstrinu Settu lokið á rafhlöðuhólfið.
Kannaðu hvar hleðslutengin eru á bæði
eyrnatappa (A:3) og í hleðsluvöggunni í
hleðsluhulstrinu (B:4). Settu mjórri enda
eyrnatappans fyrst í (Mynd C:1) og komdu
honum síðan varlega fyrir þannig að hann smelli
ofan í hleðsluvögguna (Mynd C:2). Endurtaktu
þetta með hinn eyrnatappann.
Mikilvægt! Gættu þess vel að hleðslutengin
(A:3) á eyrnatappanum snúi niður þannig að
þau tengist hleðsluoddunum í vöggunni.
Þrýstu á Prófunar-/Stöðuhnappinn (B:3) til
þess að tryggja að gott samband sé á milli
eyrnatappanna og hleðsluoddanna í vöggunni
og fylgstu með gaumljósinu (B:5) og (Mynd d).
3:2:2 Hlaðið með Micro B USB hleðslutengi
Tengdu staðlaða Micro B USB leiðslu (fylgir
ekki) við aflgjafa til þess að hlaða eyrnatappana
(ekki AA rafhlöðurnar) um Micro B USB tengið
(B:6). Settu Micro B enda USB-leiðslunnar í
samband við hleðsluhulstrið og tengdu hinn
endann við USB-aflgjafa. Hleðslutækið skynjar
án tafar USB-tengingu og sækir afl þangað en
ekki í AA rafhlöðurnar.
Þrýstu á Prófunar-/Stöðuhnappinn (B:3) til
þess að tryggja að gott samband sé á milli
eyrnatappanna og hleðsluoddanna í vöggunni.
Fylgstu með gaumljósinu (B:5) til þess að
tryggja að verið sé að hlaða eyrnatappana
(Mynd D).
3:2:3 Að taka eyrnatappana úr
hleðsluhulstrinu
Þegar fjarlægja skal eyrnatappana úr
hleðsluhulstrinu er þeim lyft gætilega upp
hvorum fyrir sig á meðan haldið er um
hleðsluhulstrið.
3:2:4 Áhrif hitastigs á hleðslu
Athugasemd! Rafhlaðan hefur takmarkað
hitaþol og því er hleðsluhulstrið hannað þannig
að það hleður ekki við lægra hitastig en -20°C
eða hærra en 50°C.
3:3 Kveikt á tækinu
Þrýstu á Kveikja/Slökkva takkann (A:1) og haltu
honum niðri í tvær sekúndur. Það má sleppa
hnappinum þegar hljóðmerki heyrist. Nú ætti
að vera kveikt á eyrnatappanum og hann stilltur
á venjulegan styrk. Endurtaktu ferlið á hinum
eyrnatappanum.
3:4 Að breyta styrkstillingum hljóðs
Þegar stillt er á venjulegan styrk ætti hljóðið sem
berst inn í eyrað að vera um það bil jafn hátt
og ef notandinn væri ekki með heyrnarhlífar.
Sé stillt á hátt, ætti notandinn að skynja
hljóðmögnun. Skipt er á milli styrkstillinganna
tveggja með því að þrýsta snöggt á Kveikja/
Slökkva hnappinn og sleppa svo til þess að
skipta á milli hljóðstillinganna Venjulegt (Normal)
og Hátt (High). Þegar stillt er á Hátt heyrist
stuttur hátíðnitónn en stuttur lágtíðnitónn heyrist
þegar stillt er á Venjulegt.
3:5 Slökkt á tækinu
Þrýstu á Kveikja/Slökkva takkann (A:1) og
haltu honum niðri í tvær sekúndur uns þú heyrir
tvöfalt hljóðmerki. Þá má sleppa hnappinum og
slökkt er á heyrnartappanum. Endurtaktu ferlið á
hinum eyrnatappanum.
43
IS