Peltor WS Alert Manual De Instrucciones página 14

IS
Breytingar á leiðbeiningum um notkun á Bluetooth-
aðgerðinni í þessum Peltor WS Alert heyrnartólum
1. Samtenging við annað Bluetooth-tæki
Framkvæma þarf samtengingu (pairing) svo hægt sé að koma á þráðlausum fjarskiptum á
milli tveggja eininga með Bluetooth-staðli. Það þarf aðeins að gera einu sinni á milli hverra
tveggja eininga. Byrjaðu á því að slökkva á heyrnartólunum.
► Þrýstu á Bluetooth-hnappinn samfellt í a.m.k. 8 sekúndur til þess að undirbúa heyrnartólin
undir fyrstu samtenginguna við annað Bluetooth-tæki.
Ljósdíóðan lýsir fyrst grænu ljósi og fjögurra tóna hljóðmerki með hækkandi tíðni heyrist í
heyrnartólunum. Svo blikkar græna ljósið fimm sinnum stutt áður en grænt ljós logar stöðugt
og stuttur tón heyrist endurtekið þriðju hverja sekúndu. Komdu samtengingunni á frá hinu
tækinu. Samtenging má ekki taka lengur en þrjár mínútur.
Þegar samtenging hefur tekist er hún staðfest með átta stuttum grænum ljósmerkjum og 3
stuttum hljóðmerkjum í heyrnartólunum. Nú geta Bluetooth-fjarskipti hafist.
Hafi samtenging ekki tekist kemur rautt ljós í eina sekúndu og hljóðmerki með lækkandi tíðni
heyrist í heyrnartólunum.
Ef samtenging tekst ekki eða ef þrýst er á Bluetooth-hnappinn á meðan slökkva heyrnartólin
sjálfkrafa á sér.
Hægt er að vista samtengingargögn fyrir átta Bluetooth-tæki í heyrnartólunum og hægt er að
skipta á milli þeirra með því að aftengja eina einingu og tengja svo aðra.
Dæmi: Slökktu á samtengdu millistykki og tengdu síma við með hjálp valmyndar hans. Ef þú
vilt ná sambandi við millistykkið á ný er slökkt á tengingunni í valmynd símans og kveikt á
millistykkinu. Ef margir Bluetooth-notendur í nágrenninu gæti þurft að endurtaka tenginguna
til að koma Bluetooth-samskiptum á að nýju. Það er bara að reyna aftur!
Þegar samtenging við síma með Bluetooth á sér stað er yfirleitt hægt að sjá á símaskjánum
hvaða einingu eða einingum hann er tengdur og sem næst til. Tenging við Peltor WS Alert
heyrnartól eru staðfest með textanum "Peltor WS3" á símaskjánum. Sumir símar kalla á
lykilnúmer svo símtækið geti borið kennsl á heyrnartólin. Sé þess krafist er um fjögur núll
að ræða (0000). Þetta á við um öll Peltor WS Alert heyrnartól og notandinn getur ekki breytt
því.
Að aftengja virka Bluetooth-samtengingu
► Þrýstu á Bluetooth-hnappinn í a.m.k. 8 sekúndur samfellt. Ljósdíóðan lýsir rautt í eina
sekúndu og fjögurra tóna hljóðmerki með lækkandi tíðni heyrist í heyrnartólunum sem síðan
eru aftengd.
2. Tenging og aftenging Bluetooth-aðgerðarinnar
Bluetooth-aðgerðin er tengd við með því að þrýsta í 2 sekúndur á Bluetooth-hnappinn á
vinstri eyrnahlíf. Samtenging er staðfest með fjórum tónum með hækkandi tíðni, auk þess
sem ljósdíóðan blikkar með grænu ljósi fimmtu hverja sekúndu.
Það slokknar sjálfkrafa á Bluetooth-aðgerðinni 15 klukkustundum eftir að Bluetooth-
samskiptunum lýkur. Eigi aðeins að nota WS-Alert sem heyrnartól (án útvarps eða
umhverfishljóða) er nóg að samtengja Bluetooth-aðgerðina.
► Þrýstu á Bluetooth-hnappinn samfellt í a.m.k. 2 sekúndur.
Slepptu hnappinum strax og heyrst hafa fjögur tónmerki með hækkandi tíðni sem staðfesta
tengingu heyrnartólanna. Þegar Bluetooth-tenging kemst á er hún staðfest með tveim
tónum með hækkandi tíðni sem þýðir að Bluetooth-tenging er virk. Ljósdíóðan lýsir með
grænu ljósi þar til hnappnum er sleppt að nýju og hún blikkar svo með grænu ljósi fimmtu
hverja sekúndu. (Athugið! Sé hnappinum haldið inni í 8 sekúndur eru heyrnartólin búin undir
samtengingu við aðra Bluetooth-einingu. Sjá 1. lið hér að ofan!)
Að aftengja Bluetooth-tengingu eftir notkun sem heyrnartól.
► Þrýstu á Bluetooth-hnappinn í a.m.k. 8 sekúndur samfellt.
Hunsaðu tóninn sem heyrist eftir 2 sekúndur og slepptu hnappinum eftir að fjögurra tóna
hljóðmerki með lækkandi tíðni heyrist. Þá blikkar ljósdíóðan einu sinni með rauðu og
heyrnartólin eru aftengd.
Heyrnartólin eru ekki aftengd þegar Bluetooth-hnappurinn er notaður sem PTT við Peltor
WS millistykki en hafi Bluetooth-tækið ekki verið virkt í tvær klukkustundir slokknar sjálfkrafa
á því.