Metabo KS 165 Manual Original página 35

сақтық шаралары қолданылатын болса, кері
соққы күшін оператор басқара алады.
ә) Ара жүзі қысылып қалғанда немесе
қандай да бір себеппен кесуді тоқтатқанда,
іске қосқышты тоқтатып, жүзі толық
тоқтағанша, араны қозғалыссыз материал
ішінде ұстаңыз. Араны жұмысынан
шығаруға немесе жүзі қозғалғанда араны
артқа тартуға әрекеттенбеңіз, әйтпесе кері
соққы орын алуы мүмкін. Жүздердің қысылып
қалу себебін жою үшін зерттеп, түзету
әрекеттерін қолданыңыз.
б) Араны дайындамада қайта іске қосқанда,
ара тістерін материалға кірмейтіндей етіп,
аралау дискісін ойыққа қарай ортасына
салыңыз. Ара жүзі қысылып қалса, араны қайта
іске қосқанда ол дайындамадан шығып кетуі
немесе кері соғуы мүмкін.
в) Жүздің қысылу және кері соғу қаупін
азайту үшін үлкен панельдерді тіреп
қойыңыз. Үлкен панельдер өз салмағымен
астына түсіп кетуі мүмкін. Тіреулерді панельдің
астыңғы екі жағына, кесу сызығы мен панель
жиегіне жақын орналастыру керек.
г) Өткір емес немесе зақымдалған жүздерді
пайдалануға болмайды. Өткірленбеген
немесе дұрыс орнатылмаған жүздер шамадан
тыс үйкеліс, жүздің қысылуы мен кері соққыны
тудыратын тар ойық жасауы мүмкін.
ғ) Кесу жұмысын бастамас бұрын, жүз
тереңдігі мен көлбеу бұрышын реттейтін
құлыптау иінтірегі мықтап қатайтылған және
берік болуы керек. Кесу кезінде реттелімі
жылжып кетсе, ол жүздің қысылып қалуына
немесе кері соққыға әкелуі мүмкін.
д) Қабырғаларды немесе басқа көрінбейтін
аймақтарды аралау кезінде аса сақ
болыңыз. Шығыңқы жүз кері соққыны тудыруы
мүмкін заттарды кесіп тастауы мүмкін.
4.3 Төменгі сақтандырғыш функциясы
a) Әр пайдалану алдында төменгі
сақтандырғыштың дұрыс жабылуын
тексеріңіз. Егер төменгі сақтандырғыш еркін
қозғалмаса және лезде жабылса, араны
пайдалануға болмайды. Төменгі
сақтандырғышты ашық күйде ешқашан
қыспаңыз немесе байламаңыз. Араны
абайсызда құлатып алса, төменгі
сақтандырғыш майысып қалуы мүмкін. Төменгі
сақтандырғышты тарту тұтқасымен (5) көтеріп,
барлық бұрыштары мен кесу тереңдігінен оның
еркін қозғалатынына және жүзіне немесе басқа
бөліктеріне тимейтініне көз жеткізіңіз.
ә) Төменгі сақтандырғыш серіппесінің
жұмысын тексеріңіз. Сақтандырғыш пен
серіппе дұрыс жұмыс істемесе, пайдаланбас
бұрын, оларға қызмет көрсету қажет. Төменгі
сақтандырғыш зақымдалған бөліктерге,
жабысқақ қабаттарға немесе қоқыстардың
жиналуына байланысты баяу жұмыс істеуі
мүмкін.
б) Төменгі сақтандырғышты "терең кесулер"
және "құрама кесулер" сияқты арнайы
кесулер үшін қолмен тартуға болады.
Төменгі сақтандырғышты тартылатын
тұтқамен көтеріп, жүзі материалға кіре
салысымен төменгі сақтандырғышты
босату қажет. Басқа барлық аралау үшін
төменгі сақтандырғыш автоматты түрде жұмыс
істеуі керек.
в) Араны үстелге немесе еденге қоймас
бұрын, төменгі сақтандырғыштың жүзді
жауып тұрғанына көз жеткізіңіз. Қорғалмаған
жылжымалы жүз араны артқа қарай итеріп,
оның жолындағы барлық нәрсені кесіп
тастайды. Ауыстырып-қосқыш босатылғаннан
кейін, жүздің тоқтауы қанша уақыт алатынынан
хабардар болыңыз.
4.4 Қауіпсіздік туралы қосымша нұсқаулар
Ажарлағыш дискілерді пайдалануға болмайды.
Реттеу немесе қызмет көрсету жұмыстары
орындалмас бұрын, ашаны розеткадан суырып
алыңыз.
Қолды айналмалы құралға жақындатпаңыз!
Сынықтар мен ұқсас материалдарды құрылғы
тоқтап тұрғанда ғана алыңыз.
Шаңнан қорғайтын ыңғайлы маска
тағыңыз.
Құлақ қорғағыштарын тағыңыз.
Қорғаныш көзілдірік тағыңыз.
Айналдырықты құлыптау түймесін (3) мотор
тоқтап тұрғанда ғана басыңыз.
Бүйірлерін басу арқылы ара жүзінің
жылдамдығын төмендетуге болмайды.
Аралауға арналған артқа тартылған күйде
төменгі сақтандырғышты қысуға болмайды.
Төменгі сақтандырғыш өзінің соңғы күйіне еркін,
автоматты түрде, оңай және дәл оралуы керек.
Көп мөлшерде шаң шығаратын материалдарды
аралау кезінде, құрылғыны жиі тазалап тұру
қажет. Қауіпсіздік құралдарының (мысалы,
төменгі сақтандырғыш) жұмыс істейтініне көз
жеткізіңіз.
Денсаулыққа зиян келтіретін (мысалы, асбест)
шаң немесе бу шығаратын материалдар
өңделмеуі қажет.
Дайындамада бөгде заттардың бар-жоғын
тексеріңіз. Жұмыс кезінде шеге немесе басқа
ұқсас материалдардың араланып кетпеуін
қадағалаңыз.
Ара жүзі кептеліп қалса, моторды дереу
өшіріңіз.
Кішкентай дайындамаларды аралауға
әрекеттенбеңіз.
Өңдеу кезінде, дайындама мықтап тіреліп,
қозғалмайтындай бекітілуі тиіс.
ҚАЗАҚША кк
35