3M Lad-Saf X3 Instrucciones De Uso página 92

;
OSHA 1910.29 og OSHA 1926.1053 gefa upp að lengd tengingarinnar á milli þess sem kerfið á að bera og
tengipunktar má ekki vera lengri en 23 cm (9 tommur).
5.0 EFTIRLIT
5.1 EFTIRLITSTÍÐNI: Lad-Saf kerfið verður að skoða með því millibili sem skilgreint er í kafla 1. Eftirlitsferlum er lýst í
„Eftirlits- og viðhaldsskrá" (tafla 2). Skoðið alla aðra hluta fallstöðvunarkerfisins í samræmi við tíðni og ferli sem skilgreint
er í leiðbeiningum framleiðanda .
5.2 GALLAR: Ef skoðun leiðir í ljós að ástandi búnaðar er ábótavant eða búnaðurinn óöruggur, eða ef grunur leikur á slíku,
skal samstundis taka Lad-Saf kerfið úr notkun og merkja það greinilega með „EKKI NOTA". Að því loknu skal farga Lad-Saf
lóðréttu kapalöryggisslífinni og -kerfinu eða senda áfram til 3M sem sér um að skipta því út. Ekki reyna að gera við kerfið.
5.3 LÍFTÍMI VÖRU: Virknitími Lad-Saf kerfisins ræðst af vinnuaðstæðum og viðhaldi. Nota má vöruna áfram svo lengi sem
hún stenst skoðunarviðmið.
6.0 VIÐHALD, ÞJÓNUSTA OG GEYMSLA
6.1 KERFIÐ HREINSAÐ: Viðhaldsatriði fyrir skoðun er að finna í kafla 5.0. Ef burðarkapallinn fyllist af olíu, feiti, málningu
eða öðru efni skal hreinsa hann með volgu sápuvatni. Þurrkaðu af kaplinum með hreinum, þurrum klút. Þurrkaðu ekki
með hita. Ekki nota sýru eða ætandi efni sem geta skemmt kapalinn.
;
Viðbótarviðhald og -viðgerðir þurfa að fara fram á vottaðri þjónustumiðstöð. Vottun þarf að vera skrifleg.
6.2 KAPALSLÍFIN HREINSUÐ: Hreinsa má óhreina lóðrétta Lad-Saf X3-kapalöryggisslíf með eftirfarandi aðferð:
1. Blandaðu saman fjórum hlutum af volgu vatni og einum hluta af mildri hreinsilausn (t.d. „Simple Green" eða
svipaðri lausn).
2. Dýfðu kapalslífinni á kaf í lausnina og láttu hana liggja alveg í bleyti í blöndunni í 2-3 klukkustundir.
3. Taktu kapalslífina úr lausninni og skolaðu hana með volgu vatni í að minnsta kosti 1 mínútu. Gakktu úr skugga um að
öll óhreinindi hafi verið fjarlægð.
4. Hengið kapalinn til þerris í sólarhring fyrir notkun. Nota má kaldan loftblástur.
5. Sjá mynd 2. Settu dálítið smurefni á stillipunktana (E) eða neðst á hliðarplötuna (B).
6. Framkvæmdu skoðun fyrir notkun eins og lýst er í kafla 5.3. Staðfestu að engin óhreinindi séu föst inni í slífinni, slíkt
gæti haft áhrif á virkni kapalslífarinnar.
6.3 GEYMSLA OG FLUTNINGUR: Geymdu láréttu Lad-Saf X3-kapalöryggisslífina á köldum, þurrum og hreinum stað fjarri
sólarljósi. Forðastu svæði þar sem efnagufur eru til staðar. Skoðaðu vandlega slífina eftir langa geymslu.
Flytja skal Lad-Saf kapalslífina í lokuðu íláti til að verja hana gegn skurðum, raka eða útfjólubláu ljósi. Forðast skal
ætandi, of heitt eða kalt umhverfi.
6.4 ÞJÓNUSTA: Aðeins 3M eða aðilar sem hafa skriflegt umboð frá 3M mega gera við þennan búnað. Ef Lad-Saf lóðrétta
kapalöryggisslífin og -kerfið hafa orðið fyrir álagi vegna falls eða ef skoðun leiðir í ljós að ástand er óöruggt eða gallað
skal samstundis taka kerfið úr notkun og merkja það greinilega með „EKKI NOTA". Að því loknu skal farga Lad-Saf
lóðréttu kapalöryggisslífinni og -kerfinu eða senda áfram til 3M sem sér um að skipta því út.
7.0 RFID MERKI
7.1 STAÐSETNING: 3M-varan sem fjallað er um í þessum notkunarleiðbeiningum er með rafmerki (RFID). RFID-merki má
nota með RFID-merkjaskanna til að skrá niðurstöður vöruskoðunar. Sjá staðsetningu RFID-merkisins á mynd 8.
7.2 FÖRGUN: Fyrir förgun skal fjarlægja RFID-merkið af vörunni og farga því / endurvinna í samræmi við staðbundnar reglur.
Frekari upplýsingar um hvernig á að fjarlægja RFID-merkið eru á vefsvæðinu sem hægt er að fara á með tenglinum hér
að neðan.
Ekki má farga vörunni með óflokkuðu heimilissorpi. Yfirstrikaða ruslatunnutáknið sýnir að farga verður öllum raf-
og rafeindabúnaði í samræmi við staðbundin lög í gegnum viðeigandi skila- og söfnunarkerfi. Hafið samband við
söluaðila eða 3M-fulltrúa á staðnum til að fá frekari upplýsingar.
Frekari upplýsingar má nálgast á vefsvæði okkar: http://www.3M.com/FallProtection/RFID
92