Wilo FKT 50.1 Instrucciones De Instalación Y Funcionamiento página 711

6.5 Електрично поврзување
6.5.1 Осигурувач од страна на
мрежата
6.5.2 Одржување
Упатство за вградување и работа Wilo Motor FKT 50.1, 57, 63.1, 63.2 + EMU FA
Инсталација и електрично поврзување
ОПАСНОСТ
Опасност по животот од струен удар!
Неправилното ракување со електриката може да доведе до смрт поради
струен удар! На електриката треба да работи стручен електричар следејќи ги
локалните прописи.
ОПАСНОСТ
Опасност од експлозија поради неправилно приклучување!
• Електричниот приклучок на пумпата секогаш се изведува надвор од
подрачјето со опасност од експлозија. Ако приклучувањето мора да биде
во рамките на подрачјето со опасност од експлозија, треба да се изведе во
куќиште одобрено за експлозивни подрачја (вид на заштита согласно DIN
EN 60079-0)! Ако не внимавате, постои опасност по животот поради
експлозија!
• Поврзете проводник за еднаков потенцијал на означениот терминал за
заземјување. Терминалот за заземјување треба да биде во подрачјето на
водот за снабдување струја. За проводникот за еднаков потенцијал треба
да се употреби кабел со пресек согласно локалните прописи.
• Приклучувањето мора секогаш да го прави стручен електричар.
• Внимавајте и на дополнителните информации во поглавјето за заштита од
експлозии во прилог на ова Упатство за вградување и работа во однос на
електричното поврзување!
▪ Приклучувањето на мрежата мора да соодветствува на податоците од натписната
плочка.
▪ Напојувањето на трифазниот мотор од страна на мрежата е со вртежно поле во
насока на часовникот.
▪ Кабелот за поврзување мора да е поставен согласно локалните прописи и да е
поврзан според шемата на жиците.
▪ Приклучете уреди за надгледување и проверете дали функционираат.
▪ Изведете го заземјувањето согласно локалните прописи.
Заштитна склопка на вод
Големината и карактеристиките на прекинувачот на заштитната склопка на вод,
се одредува според номиналната струја на поврзаниот производ. Внимавајте на
локалните прописи.
Заштитен прекинувач на мотор
За производи без приклучок, предвиден е заштитен прекинувач на моторот!
Според локалните прописи, минималните побарувања се термален реле/
заштитен прекинувач на моторот со компензација за температурата,
диференцијален активатор и блокада од повторно вклучување. Во случаи на
чувствителна електрична мрежа, предвидено е корисникот да обезбеди
дополнителна заштитна опрема (на пр. реле за наднапон, поднапон или
откажување на фаза итн.).
Заштитен прекинувач за резидуална струја (RCD)
Придржувајте се до прописите на локалната служба за електродистрибуција!
Употребата на заштитен прекинувач за резидуална струја е препорачано.
Треба да се приклучи заштитен прекинувач за резидуална струја (RCD) во случаи
кога е можно лицата да дојдат во контакт со производот и со протокот на
течности.
Пред инсталацијата треба да го направите следното:
▪ Да ја проверите изолациската отпорност на намотката на моторот.
▪ Да ја проверите отпорноста на температурниот сензор.
▪ Да ја проверите отпорноста на електродата за заварување (опционално вклучена).
mk
711