PROVOX LaryTube Manual De Instrucciones página 97

Hreinsið Provox LaryTube búnaðinn eftir hverja notkun. Notið ekki annað
vatn en drykkjarvatn til að hreinsa og skola búnaðinn.
VARÚÐ: Gætið þess að brenna ekki fingurna í heitu vatni sem notað er til
hreinsunar.
1. Skolið Provox LaryTube búnaðinn í drykkjarvatni (mynd 6a).
2. Setjið Provox LaryTube búnaðinn í uppþvottalög sem er ekki að uppistöðu
úr olíuefnum (mynd 6b).
3. Hreinsið búnaðinn að innanverðu með Provox TubeBrush burstanum
(mynd 6c, 6h).
4. Ef notaður er búnaður með götum skal hreinsa götin með Provox Brush
bursta, sjá pöntunarupplýsingar (mynd 6d, 6h).
5. Skolið Provox LaryTube búnaðinn í drykkjarvatni (mynd 6e).
6. Sótthreinsið Provox LaryTube búnaðinn a.m.k. einu sinni á dag (mynd
6f) með einni af eftirfarandi aðferðum:
• 70% etanól í 10 mínútur
• 70% ísóprópýlalkóhól í 10 mínútur
• 3% vetnisperoxíð í 60 mínútur
VARÚÐ: Notið ekki búnaðinn fyrr en hann hefur þornað að fullu (mynd 6g).
Ef gufa af sótthreinsiefnum berst í öndunarveg getur það valdið miklum hósta
og ertingu í öndunarvegum.
Ef Provox LaryTube búnaðurinn virðist óhreinn eða hefur loftþornað á svæði
þar sem hætta er á mengun skal hreinsa og sótthreinsa búnaðinn fyrir notkun.
Mengun getur verið til staðar ef búnaðurinn hefur dottið í gólfið, komist í
snertingu við gæludýr eða einstakling með sýkingu í öndunarfærum, eða ef
annars konar víxlmengun hefur átt sér stað.
Á sjúkrahúsum er mikilvægt að hreinsa og sótthreinsa Provox LaryTube
búnaðinn eftir notkun en einnig fyrir notkun þar sem aukin hætta er á sýkingum
og mengun. Á sjúkrahúsum er betra að nota sæft vatn til hreinsunar og skolunar
í stað drykkjarvatns.
VARÚÐ: Ekki má hreinsa eða sótthreinsa búnaðinn með neinum öðrum hætti
en lýst er hér fyrir ofan þar sem það getur valdið skemmdum á vörunni og
meiðslum hjá sjúklingi.
2.4 Leiðbeiningar um geymslu
Þegar Provox LaryTube búnaðurinn er ekki í notkun skal hreinsa hann og
sótthreinsa eins og lýst er hér fyrir ofan og geyma hann síðan í hreinu og lokuðu
íláti við stofuhita. Verjið gegn beinu sólarljósi.
2.5 Endingartími búnaðar
Provox LaryTube búnaðinn má nota í að hámarki 6 mánuði. Skiptið fyrr um
búnaðinn ef merki eru um skemmdir.
97